லசந்த கொலையாளிகளை மன்னித்து விடுக்க முற்பட்டு மூக்குடைப்பட்ட அனுர அரசு பல்வேறு குற்ற விசாரணைகளைக் கையாளும் நோக்கில் இலங்கை காவல்துறை மத்திய குற்றப் புலனாய்வுப் பணியகம் என்ற புதிய பணியகத்தை அமைத்துள்ளது.
சிரேஸ்ட பொலிஸ் அதிகாரி சானி அபேசேகர இயக்குனராகவும், பிரதி ஐஜி சட்டத்தரணி நிஹால் தல்துவா புதிய பணியகத்தின் பிரதி ஐஜியாகவும் பணியாற்றுவதாக பொலிஸார் தெரிவித்தனர்.
சட்டவிரோத சொத்து விசாரணை பிரிவு, கொலை மற்றும் நிறுவன குற்ற விசாரணை பிரிவு, நிதி மற்றும் வர்த்தக குற்றப்பிரிவு, கணினி குற்ற விசாரணை பிரிவு, மனித கடத்தல், கடத்தல் மற்றும் கடல் குற்ற விசாரணை பிரிவு, குற்ற புலனாய்வு மற்றும் புலனாய்வு பகுப்பாய்வு பிரிவு உள்ளிட்ட புதிய புலனாய்வு பிரிவு புதிய பணியகத்தின் மூத்த பேச்சாளர் புத்திக மானதுங்கவின் மேற்பார்வையில் இருக்கும்.
தற்போது குற்றப் புலனாய்வுத் துறை (சிஐடி) நடத்தும் விசாரணைகள் வழக்கின் தன்மைக்கு ஏற்ப சிஐடி அல்லது சிசிஐபியால் நடத்தப்படும் என்று செய்தித் தொடர்பாளர் தெளிவுபடுத்தியுள்ளார்.