Authored byபஹன்யா ராமமூர்த்தி | Samayam Tamil | Updated: 18 Oct 2024, 4:20 pm
இலங்கையில் காட்டு யானைக் கூட்டத்தின் மீது ரயில் மோதிய விபத்தில் இரண்டு யானைகள் உயிரிழந்தன. பல யானைகள் காயமடைந்துள்ளன. இந்த சம்பவம் பெரும் சோகத்தை ஏற்படுத்தியுள்ளது. Samayam Tamilஇலங்கையின் மட்டக்களப்பு நோக்கி இன்று அதிகாலை எரிபொருள் டேங்கர்களை ஏற்றிச்சென்ற ரயில் விபத்துக்குள்ளானது. அதிகாலை 3.30 மணி அளவில் கல்லோயா – ஹிங்குரான்கொடை ரயில் நிலையங்களுக்கு இடையே எரிபொருள் டேங்கர்களுடன் ரயில் சென்று கொண்டிருந்தது. அப்போது 20க்கும் மேற்பட்ட யாளைகளுடன் காட்டு யானைக் கூட்டம் திடீரென தண்டவாளத்தை கடந்துள்ளது. அந்த நேரத்தில் ரயில் 10 மீட்டர் தொலைவில் இருந்துள்ளது. யானைக் கூட்டம் தண்டவாளத்தை கடப்பதை கவனித்த லோகோ பைலட், உடனடியாக ரயிலை நிறுத்த பிரேக் போட்டுள்ளார்.
திமுகவுக்கு எதிராக அதிமுகவை பலப்படுத்தும் பவன் கல்யாண்.. ஈபிஎஸ் – ஓபிஎஸை பேலன்ஸ் பண்ணி வாழ்த்து!
இருப்பினும் ரயில் யானைக் கூட்டத்தின் மீது மோதியது. இதில் இரண்டு யானைகள் உயிரிழந்தன. பல யானைகள் பலத்த காயமடைந்துள்ளன. மேலும் எரிபொருள் டேங்கர்களை ஏற்றிச் சென்ற 4 பெட்டிகள் கவிழ்ந்தன. ரயிலின் லோகோ பைலட் மற்றும் கட்டுப்பாட்டாளர் பயணித்த ரயில் பெட்டிகளும் தடம் புரண்டன.
இந்த விபத்து காரணமாக மட்டக்களப்பு – கொழும்பு பிரதான மார்க்கத்தில் இயக்கப்படும் ரயில் சேவைகள் நிறுத்தப்பட்டுள்ளது. மேலும் இன்று காலை கொழும்பு கோட்டையில் இருந்து மட்டக்களப்பு வரை இயக்கப்பட இருந்த ரயில் சேவையும் ரத்து செய்யப்பட்டுள்ளது. மட்டக்களப்பில் இருந்து கொழும்பு நோக்கி இயக்கப்படும் ரயில் சேவையையும் ரயில்வேத்துறை ரத்து செய்துள்ளது.
காருண்யா பிளஸ் லாட்டரி ஜாக்பாட் அடித்த பையனூர்.. இன்று நிர்மல் லாட்டரியில் அதிர்ஷ்டத்தை அள்ளப்போவது யார்?
இந்த ரயில் விபத்து காரணமாக தண்டவாளம் பலத்த சேதமடைந்துள்ளதாகவும் தகவல் வெளியாகி உள்ளது. வனப்பகுதியில் செல்லும் ரயில் போக்குவரத்தால் அடிக்கடி விபத்துக்கள் நேரிடுவதும் வனவிலங்குகள் உயிரிழப்பதும் தொடர்கதையாகி வருகிறது. இதனிடையே ரயில் மோதி இரண்டு யானைகள் உயிரிழந்த சம்பவம் தொடர்பாக விசாரணை தொடங்கி உள்ளதாக இலங்கை ரயில்வே தெரிவித்துள்ளது.
அச்சச்சோ.. மீண்டும் ஒரே நேரத்தில் 2 அரக்கண்கள்.. புயலாக மாறுமா? இந்திய வானிலை மையம் முக்கிய அறிவிப்பு!
மேலும் விபத்துக்குள்ளான போது ரயில் அதீத வேகத்தில் பயணித்ததா என்பது குறித்து விசாரணையில் தெரியவரும் எனவும் ரயில்வே துறை தெரிவித்துள்ளது. ரயில் மோதி இரண்டு யானைகள் பலியாகியுள்ள சம்பவம் பெரும் சோகத்தை ஏற்படுத்தியுள்ளது.ஆசிரியர் பற்றிபஹன்யா ராமமூர்த்திசெய்தி சேனல், எஃப் எம் (RJ) மற்றும் டிஜிட்டல் ஊடத்துறையில் 13 ஆண்டுகள் அனுபவம். இதழியலில் முதுகலைப்பட்டம் பெற்றுள்ளேன். பொது செய்திகள், அரசியல், க்ரைம், விளையாட்டு சினிமா மற்றும் உலக நடப்பு செய்திகளில் அனுபவம்.. தற்போது சமயம் தமிழில் சினிமா செய்திகளை அளித்து வருகிறேன்…. மேலும் படிக்க