இலங்கை புதிய அதிபர்: அநுரா குமார திஸ்நாயக பதவியேற்பு

இலங்கை புதிய அதிபர்: அநுரா குமார திஸ்நாயக பதவியேற்புAuthored byபவித்ரன் | Samayam Tamil | Updated: 23 Sept 2024, 12:46 pm

இலங்கை அதிபர் தேர்தலில் வெற்றி பெற்ற அநுரா குமார திஸ்நாயக புதிய அதிபராக பதவியேற்று கொண்டார். அப்போது நாட்டு வளா்ச்சிக்கு பாடுபடுவதாகவும், ஒற்றுமையோடு அனைவரும் இருக்குமாறும் கூறினார். Samayam TamilAnura Kumara Dissanayakeஇந்தியாவின் அண்டை நாடான இலங்கையில் ரணில் விக்ரமசிங்கே தலைமையிலான ஆட்சி நடைபெற்றது. தவறான பொருளாதார நடவடிக்கைகளால் நிதி நெருக்கடியில் இலங்கை கடந்த 2 ஆண்டு முன்பு சிக்கியது. இதனால் வெடித்த வன்முறைக்கு பயந்து அப்போதைய அதிபர் கோத்தபய ராஜபட்சே நாட்டைவிட்டு தப்பி சென்றார். இதையடுத்து ரணில் விக்ரமசிங்கே இடைக்கால அதிபரானார். இதையடுத்து இலங்கையின் புதிய அதிபரை தேர்வு செய்யும் தேர்தல் செப்டம்பர் 21 ஆம் தேதி நடைபெறும் என அறிவிக்கப்பட்டு இருந்தது.இலங்கை புதிய அதிபர்: அநுரா குமார திஸ்நாயக பதவியேற்பு

அதன்படி நேற்று முன்தினம் காலையில் அதிபர் தேர்தல் தொடங்கியது. இந்த தேர்தலில் தற்போதைய அதிபர் ரணில் விக்ரமசிங்கே, சஜித் பிரேமதாச, அனுர குமார திஸநாயக மற்றும் மகிந்த ராஜபக்சேவின் மகன் நமல் ராஜபக்சே உள்பட 38 வேட்பாளர்கள் களம் இறங்கினர். தேர்தல் நிறைவடைந்ததை தொடர்ந்து நேற்று முன்தினம் மாலையில் வாக்கு எண்ணிக்கை தொடங்கியது. இந்த நிலையில் நேற்று பிற்பகலில் நடைபெற்ற 2ம் சுற்று வாக்கு எண்ணிக்கையில், அனுர குமார திஸநாயக முன்னிலை வகித்த நிலையில் அதிக சதவீத வாக்குகள் பெற்று வெற்றி பெற்றார்.இதையடுத்து அநுரா குமார திஸ்நாயக வெற்றி பெற்று புதிய அதிபராக தேர்வு செய்யப்பட்டுள்ளார். இவருக்கு பிரதமர் மோடி உள்ளிட்ட தலைவர்கள் வாழ்த்து தெரிவித்தனா். இந்த நிலையில் அநுரா குமார திஸ்நாயக, இலங்கையின் புதிய அதிபராக இன்று பதவியேற்று உள்ளார். இலங்கையின் 9 வது அதிபராக அநுரா குமார திஸ்நாயக பதவியேற்று இருப்பது குறிப்பிடத்தக்கது. அதிபராக பதவியேற்ற பிறகு அநுரா குமார திஸ்நாயக உரையாற்றினார்.

விடுதலை புலிகளுக்கு எதிரான இறுதிப்போர்

அப்போது அவர் பேசுகையில்,” பொருளாதார நெருக்கடியில் சிக்கி உள்ள இலங்கையை வளா்ச்சி பாதையில் கொண்டு செல்ல வேண்டும். மக்களின் வியர்வை வாசனை, கஷ்டங்களை அறிந்தவன் நான். நாட்டின் வளா்ச்சிக்கு சிறப்பான கொள்கைகளை உருவாக்குவேன். தமிழர்கள், சிங்களர்கள், முஸ்லிம்கள் என அனைவரும் ஒற்றுமையாக செயல்பட வேண்டும்” என்று கூறினார்.
விடுதலை புலிகளுக்கு எதிரான இறுதிப்போரின்போது ராஜபக்சேவின் செயல்பாடுகளை அநுரா குமார திஸ்நாயக கண்டித்தது குறிப்பிடத்தக்கது.ஆசிரியர் பற்றிபவித்ரன் நான் பவித்ரன் தேவேந்திரன். ஊடகத்துறையில் 5 ஆண்டுகளாக பணிபுரிந்து வருகிறேன். அரசியல், கிரைம் செய்திகள் எழுதிய அனுபவம் உள்ளது. இப்போது சமயம் தமிழில் மாநில, தேசிய, உலகச் செய்திகளை வழங்கி வருகிறேன்…. மேலும் படிக்க