இலங்கை தேர்தல்: புதிய அதிபர் அநுரா குமார திஸ்நாயகவுக்கு மோடி வாழ்த்துAuthored byபவித்ரன் | Samayam Tamil | Updated: 23 Sept 2024, 10:25 am
இலங்கையின் புதிய அதிபராக தேசிய மக்கள் சக்தி கட்சியின் அநுரா குமார திஸ்நாயக தேர்வு செய்யப்பட்டதற்கு பிரதமர் மோடி உள்ளிட்ட தலைவர்கள் வாழ்த்து தெரிவித்துள்ளனா்.Samayam TamilAnura Kumara Dissanayake modiஇலங்கையில் அதிபர் தேர்தலுக்கான வாக்குப்பதிவு நேற்று முன்தினம் நடைபெற்றது. அப்போது விறுவிறுப்பாக வாக்குப்பதிவு நடைபெற்றது. இதையடுத்து வாக்கு எண்ணிக்கை தொடங்கியது. முதலில் தபால் வாக்குகளும், அதன்பிறகு வாக்குச்சீட்டுகளில் பதிவான வாக்குகளும் எண்ணப்பட்டன. தொடக்கம் முதலே தேசிய மக்கள் சக்தி கட்சியின் அநுரா குமார திஸ்நாயக முன்னிலை பெற்றிருந்தார்.ஒருகட்டத்தில் 50 சதவீத வாக்குகளுக்கு மேல் பெற்றார். இலங்கையில் நடைபெறும் அதிபர் தேர்தலை பொறுத்தவரை 50 சதவீதத்திற்கும் மேல் பெறும் வேட்பாளரே வெற்றி பெற்று அதிபராக தேர்வு செய்யப்படுவார். ஆனால் யாரும் எதிர்பாராத வகையில் அநுரா குமார திஸ்நாயகவின் வாக்குகள் குறைந்தன. தேர்தல் முடிவுகளில் யாருக்கும் பெரும்பான்மை கிடைக்கவில்லை. எனவே வாக்கு எண்ணிக்கை இரண்டாம் கட்டத்திற்குள் சென்றது. அப்போது அநுரா குமார திஸ்நாயக 55.89 சதவீத வாக்குகள் பெற்றார். இதையடுத்து அவர் இலங்கையின் புதிய அதிபராக தேர்வு செய்யப்பட்டார்.
இலங்கை தேர்தல்: புதிய அதிபர் அநுரா குமார திஸ்நாயகவுக்கு மோடி வாழ்த்து
அநுரா குமார திஸ்நாயகவின் (வயது 55). இவர் மார்க்சிஸ்ட் – லெனினிஸ்ட் சிந்தாந்தத்தில் இயங்கும் ஜனதா விமுக்தி பெரமுனா என்ற கட்சியின் தலைவராக இருந்தார். இலங்கையில் 2 ஆண்டுகள் முன்பு ராஜபக்ச ராஜினாமாவை தொடர்ந்து மிகப்பெரிய அளவிலான போராட்டங்கள் நடைபெற்றன குறிப்பிடத்தக்கது.
இந்த நிலையில் இலங்கையின் புதிய அதிபராக தேர்வு செய்யப்பட்டுள்ள அநுரா குமார திஸ்நாயகவுக்கு இந்திய பிரதமர் மோடி வாழ்த்து தெரிவித்துள்ளார். இதுதொடர்பாக பிரதமர் மோடி தரப்பில் கூறுகையில்,” இலங்கை அதிபர் தேர்தலில் வெற்றி பெற்றுள்ள அநுரா குமார திஸ்நாயகவுக்கு எனது வாழ்த்துக்கள்.
இலங்கை தேர்தல்: புதிய அதிபர் அநுரா குமார திஸ்நாயகவுக்கு மோடி வாழ்த்து
வரும் நாட்களில் இருநாடுகள் சேர்ந்து பல்வேறு கூட்டு முயற்சிகள் எடுத்து பலம் பெற ஆர்வமாக உள்ளேன். இதனால் இருநாடுகள் மற்றும் இருநாட்டு மக்களும் பயன் பெறுவார்கள்” என்று கூறினார். இதேபோல் இலங்கை அதிபராக தேர்வு செய்யப்பட்டுள்ள அநுரா குமார திஸ்நாயகவுக்கு உலக நாட்டு தலைவர்களும் வாழ்த்துக்களை தெரிவித்து வருகின்றனா்.பிரதமர் மோடியின் எக்ஸ் பதிவிற்கு பதில் அளித்துள்ள அநுரா குமார திஸ்நாயக,” பிரதமர் மோடியின் வாழ்த்துக்கும், ஆதரவுக்கு நன்றி. இந்தியா, இலங்கை இடையே இணைப்பை பலப்படுத்த முடிவுகள் எடுக்கப்படும். இருநாட்டு மக்களின் முன்னேற்றத்தை சோ்ந்து பணியாற்றுவோம்” என கூறி உள்ளார்.
ஆசிரியர் பற்றிபவித்ரன் நான் பவித்ரன் தேவேந்திரன். ஊடகத்துறையில் 5 ஆண்டுகளாக பணிபுரிந்து வருகிறேன். அரசியல், கிரைம் செய்திகள் எழுதிய அனுபவம் உள்ளது. இப்போது சமயம் தமிழில் மாநில, தேசிய, உலகச் செய்திகளை வழங்கி வருகிறேன்…. மேலும் படிக்க