Authored byபஹன்யா ராமமூர்த்தி | Samayam Tamil | Updated: 22 Sept 2024, 12:08 pm
இலங்கை அதிபர் தேர்தலில் தேசிய மக்கள் சக்தியின் தலைவர் அனுர குமார திசநாயக்க பெருவாரியான வாக்குகள் பெற்றுள்ளார். இதனால் இலங்கை அதிபர் அரியாசனத்தில் அமரும் வாய்ப்பு அவருக்கு பிரகாசமாகியுள்ளது. Samayam Tamil
இலங்கை அதிபர் தேர்தலுக்கான வாக்குப்பதிவு 22 தேர்தல் மாவட்டங்களில் உள்ள 13,400 வாக்குச்சாவடிகளில் நேற்று காலை 7:00 மணி முதல் நேற்று மாலை 4 மணி வரை நடைபெற்றது. 17 மில்லியன் வாக்காளர்களில் சுமார் 75 சதவீத வாக்காளர்கள் வாக்களித்தனர். வாக்கு எண்ணிக்கை முடிவுகள் தொடர்ந்து வெளியாகி வரும் நிலையில் இதில் அனுர குமார திசநாயக்க 50 சதவீதத்திற்கும் அதிகமான வாக்குகளை பெறுவார் என தகவல்கள் வெளியாகி உள்ளன.இதன் மூலம் திசநாயக்க அதிபராகும் வாய்ப்பு மிகப் பிரகாசமாக உள்ளது. அவர் வெற்றி பெற்றால் இலங்கையின் முதல் மார்க்சிஸ்ட் அதிபராக அவர் இருப்பார். அனுர குமார திசநாயக்க ஊழல் எதிர்ப்பு நடவடிக்கைகள் மற்றும் ஏழைகளுக்கு ஆதரவான கொள்கைகளில் கவனம் செலுத்தி வந்தார். கடந்த 2022 ஆம் ஆண்டு இலங்கை கடுமையான பொருளாதார நெருக்கடியை சந்தித்த பிறகு நடைபெறும் முதல் தேர்தல் இது என்பதால் உலக நாடுகளும் இந்த தேர்தலை உற்று நோக்கி வந்தன.
திருப்பதி ஏழுமலையானுக்கு அநீதி.. பாவ மன்னிப்பு கேட்க பவன் கல்யாண் முடிவு.. இன்று முதல் 11 நாட்கள் கடும் தவம்!
முன் எப்போதும் இல்லாத அளவுக்கு இலங்கை தேர்தல் வரலாற்றில் இம்முறை 39 வேட்பாளர்கள் அதிபர் பதவிக்கு போட்டியிட்டனர். இந்நிலையில் இலங்கையின் அடுத்த அதிபராகிறார் திசநாயக்க. இவரது முழுப்பெயர் திசநாயக்க முதியான்சிலாகே அனுர குமார திசநாயக்க ஆகும். அனுராதபுரம் மவாட்டம் தம்புதெகமா என்ற கிராமத்தில் எளிய குடும்பத்தில் 1968 ஆம் ஆண்டு நவம்பர் 24 ஆம் தேதி பிறந்தார் திசநாயக்க.
திசநாயக்கவின் தந்தை ஒரு கூலி தொழிலாளி, தாய் ஒரு இல்லத்தரசி. அவருக்கு ஒரு சகோதரியும் இருந்துள்ளார். திசாநாயக்க தனது பள்ளிக் கல்வியை தம்புதேகம காமினி மகா வித்தியாலயத்தில் முடித்தார். கல்லூரி படிப்பை தம்புதேகம மத்திய கல்லூரியில் கற்றார். கல்லூரியிலிருந்து பல்கலைக்கழக நுழைவுக்கான முதல் மாணவராக தேர்ச்சி பெற்றார். பள்ளி பருவத்தில் இருந்தே ஜனதா விமுக்தி பெரமுனா (JVP) கட்சியில் இணைந்து அரசியலில் ஈடுபட்டார் திசநாயக்க.
அதிமுக இணைந்துவிடும் என்ற அச்சத்தில்தான் திமுக இதை செய்திருக்கிறது.. வரிந்துக்கட்டிய ஓபிஎஸ்!
படிப்பில் கெட்டிக்காரரான திசநாயக்க வளர வளர அரசியலிலும் தீவிரமானார். 1987 முதல் முழுநேர அரசியல் நடவடிக்கைகளில் தற்போது கொழும்பு மாவட்டத்தின் எம்பியாக உள்ள திசநாயக்க, சந்திரிக்கா பண்டாரநாயக்க குமாரதுங்கவின் அமைச்சரவையில் 1984 முதல் 1995 வரை வேளாண்மை, கால்நடைத்துறை, காணி, நீர்வளத்துறை அமைச்சராக இருந்தவர். 2014 ஆம் ஆண்டு பிப்ரவரி 2 இல் மக்கள் விடுதலை முன்னணியின் 7வது தேசிய மாநாட்டில் இவர் அக்கட்சியின் தலைவராகத் தேர்ந்தெடுக்கப்பட்டார்.
கடந்த 2019 ஆம் ஆண்டு நடைபெற்ற இலங்கை பொது தேர்தலில் வெறும் 3.16 சதவீத வாக்குகளை மட்டுமே பெற்றார் அனுர குமார திசநாயக்க. கடும் நிதி நெருக்கடியால் இலங்கை பொருளாதாரம் பெரும் வீழ்ச்சியை சந்தித்ததால் கடந்த 2022 ஆம் ஆண்டு மாபெரும் மக்கள் போராட்டத்தை நடத்தினார்.
அப்போது மக்களின் பிரதான பிரச்சனைகளான மின்வெட்டு, விலைவாசி உயர்வு, எரிபொருள் தட்டுப்பாடு உள்ளிட்ட பிரச்சனைகள் குறித்து குரல் கொடுத்ததால் மக்கள் மத்தியில் இவரது மதிப்பும் செல்வாக்கும் உயர்ந்தது.
கேரளா காருண்யா லாட்டரியில் 80 லட்சம்.. வயநாட்டுக்கு அடித்த ஜாக்பாட்.. இன்று அக்ஷயா லாட்டரியில் அதிர்ஷ்டத்தை குவிக்க போவது யார்?
அதுமட்டுமின்றி இலங்கை உள்நாட்டு போரின் போது மகிந்த ராஜபக்ச அரசால் மக்கள் கொத்து கொத்தாக கொலை செய்யப்பட்டதை கண்டித்ததோடு கவலையையும் வெளிப்படுத்தி வந்தார். தொடர்ந்து பொதுக்கூட்டங்களை நடத்தி வந்த திசநாயக்க, தற்போது இலங்கைக்கு தேவை ஆட்சி மாற்றம் மட்டும் அல்ல, பொருளாதார வளர்ச்சியும்தான் என குரல் கொடுத்து வந்தார். அவரது கொள்கைகளும் அரசியல் முன்னெடுப்புகளும் மக்கள் மத்தியில் நம்பிக்கையை ஏற்படுத்தியது.
கடந்த முறை வெறும் 3% ஓட்டு.. இன்று இலங்கை அதிபராகும் அனுர குமார திசநாயக்க.. யார் இந்த ஏகேடி?
இந்நிலையில் இலங்கை அதிபர் தேர்தலில் முன்னிலை வகித்து வருகிறார். இருப்பினும் 50 சதவீதத்திற்கு மேல் வாக்குகளை பெறுபவர்கள் மட்டுமே அதிபராக முடியும் என்பது குறிப்பிடத்தக்கது.
ஆசிரியர் பற்றிபஹன்யா ராமமூர்த்திசெய்தி சேனல், எஃப் எம் (RJ) மற்றும் டிஜிட்டல் ஊடத்துறையில் 13 ஆண்டுகள் அனுபவம். இதழியலில் முதுகலைப்பட்டம் பெற்றுள்ளேன். பொது செய்திகள், அரசியல், க்ரைம், விளையாட்டு சினிமா மற்றும் உலக நடப்பு செய்திகளில் அனுபவம்.. தற்போது சமயம் தமிழில் சினிமா செய்திகளை அளித்து வருகிறேன்…. மேலும் படிக்க