Authored byமகேஷ் பாபு | Samayam Tamil | Updated: 22 Sept 2024, 7:32 am
அண்டை நாடான இலங்கையில் நடைபெற்று வரும் அதிபர் தேர்தலில் பதிவான வாக்குகள் எண்ணப்பட்டு வருகின்றன. அதில் தேசிய மக்கள் சக்தி தலைவர் அநுரா குமார திஸநாயக முன்னிலை பெற்றுள்ளார். கிட்டதட்ட 50 சதவீதத்திற்கும் மேலான வாக்குகளை பெற்றிருப்பதால் பெரிதும் கவனம் ஈர்த்துள்ளார்.முக்கிய அம்சங்கள்: இலங்கையில் புதிய அதிபரை தேர்வு செய்யும் தேர்தல்தபால் வாக்குகள் எண்ணப்படும் நிலையில் திருப்பம்தேசிய மக்கள் சக்தி தலைவர் அநுரா குமார திஸநாயக முன்னிலை Samayam TamilSri Lanka Election 2024 இந்தியாவின் அண்டை நாடான இலங்கையில் புதிய அதிபரை தேர்வு செய்வதற்கான தேர்தல் நேற்று நடைபெற்றது. மொத்தமுள்ள 17 மில்லியன் மக்கள்தொகையில் 75 சதவீதம் பேர் வாக்களிக்க தகுதி பெற்றுள்ளனர். இந்த சூழலில் வாக்குகள் எண்ணும் தொடங்கி நடைபெற்று வருகிறது. முதலில் தபால் வாக்குகள் எண்ணப்பட்டன. அதில் பெரும்பாலான மாவட்டங்களில் அநுரா குமார திஸநாயக முன்னிலை பெற்றிருக்கிறார். குறிப்பாக கொழும்பு, வன்னி, கல்லே உள்ளிட்ட மாவட்டங்களை சொல்லலாம்.
இலங்கை அதிபர் தேர்தல்இந்நிலையில் அதிபர் பதவிக்கான போட்டியில் தேசிய மக்கள் சக்தி கட்சியின் அநுரா குமார திஸநாயக, ஐக்கிய மக்கள் சக்தியின் சஜித் பிரேமதாச, சுயேட்சை வேட்பாளராக ரணில் விக்கிரமசிங்க, தமிழ் வேட்பாளராக அரியநேத்திரன் உள்ளிட்டோர் போட்டியிட்டனர். இந்நிலையில் யாரும் எதிர்பாராத வகையில் தேசிய மக்கள் சக்தி கட்சி தலைவர் அநுரா குமார திஸநாயக முன்னிலை பெற்றுள்ளார்.
இலங்கை அதிபர் தேர்தல்: 51.98 சதவீத வாக்குகள் உடன் அநுரா குமார திஸ்நாயக முன்னிலை!
யார் முன்னிலை
இவர் இதுவரை 4,75,419 வாக்குகள் பெற்றுள்ளார். அதாவது 51.98 சதவீதம் என்பது குறிப்பிடத்தக்கது. இதற்கு அடுத்த இடங்களில் சஜித் பிரேமதாச (22.19 சதவீதம் – 2,02,944 வாக்குகள்), ரணில் விக்கிரமசிங்க (18.92 சதவீதம் – 1,73,016 வாக்குகள்), அரியநேத்திரன் (2.71 சதவீதம் – 24,749 வாக்குகள்) உள்ளிட்டோர் இருக்கின்றனர். இதன்மூலம் அநுரா குமார திஸநாயக இலங்கை அதிபராக வெற்றி பெற அதிக வாய்ப்புகள் இருப்பதாக பார்க்கப்படுகிறது.
இலங்கை அரசியலில் திருப்பம்
இலங்கையில் 2022ஆம் ஆண்டு நடந்த பொருளாதார வீழ்ச்சி அந்நாட்டு மக்கள் மத்தியில் பெரும் கவலையை ஏற்படுத்தியது. இதையடுத்து ஏற்பட்ட போராட்டங்கள் இலங்கை அரசியலில் புயலை கிளப்பின. இதனைத் தொடர்ந்து நடைபெறும் தேர்தல் என்பதால் உலக நாடுகள் உன்னிப்பாக கவனித்து வருகின்றன. கிட்டதட்ட மாற்றத்தை எதிர்நோக்கிய தேர்தலாக பார்க்கப்பட்டது. அதற்கேற்ப தேசிய மக்கள் சக்தி கட்சிக்கு இலங்கை மக்களின் ஆதரவு இருப்பது தெரிகிறது.
யார் இந்த அநுரா குமார
55 வயதாகும் அநுரா குமார திஸநாயகவை பொறுத்தவரை அனுராதபுரம் மாவட்டத்தில் உள்ள தம்புட்டேகாம கிராமத்தில் பிறந்தவர். இது தலைநகர் கொழும்புவில் இருந்து 170 கிலோமீட்டர் தொலைவில் அமைந்துள்ளது. மிகவும் எளிய குடும்பத்தை சேர்ந்தவர். கெலனியா பல்கலைக்கழகத்தில் பட்டப்படிப்பு முடித்தவர். மாணவர் பருவத்திலேயே அரசியலில் ஈடுபாடு கொண்டவர். இதையடுத்து ஜே.வி.பியில் இணைந்து பல்வேறு போராட்டங்களில் கலந்து கொண்டார்.ஆசிரியர் பற்றிமகேஷ் பாபுசெய்தி தொலைக்காட்சி, டிஜிட்டல் ஊடகம் என 8 ஆண்டுகள் அனுபவம். எளிய மக்களின் குரலாகவும், சமூக அவலங்களை சுட்டிக் காட்டும் வகையிலும் எழுதப் பிடிக்கும். அரசியல் செய்திகளை வழங்குவதில் தீராத ஆர்வம் உண்டு. சமயம் தமிழ் ஊடகத்தில் Senior Digital Content Producer ஆக பணியை தொடர்ந்து வருகிறேன்…. மேலும் படிக்க