இலங்கையின் அடுத்த அதிபர் யார்? மக்கள் எழுதும் தீர்ப்பு – வாக்குப் பதிவு பணிகள் தீவிரம்!

இலங்கையின் அடுத்த அதிபர் யார்? மக்கள் எழுதும் தீர்ப்பு – வாக்குப் பதிவு பணிகள் தீவிரம்!Authored byமரிய தங்கராஜ் | Samayam Tamil | Updated: 21 Sept 2024, 6:29 am

இலங்கையில் இன்று (செப்டம்பர் 21) அதிபர் தேர்தலுக்கான வாக்குப் பதிவு நடைபெறுகிறது.Samayam Tamilஇலங்கையில் புதிய அதிபரை தேர்ந்தெடுக்கும் தேர்தல் இன்று காலை முதல் தொடங்கி நடைபெறுகிறது.இலங்கையில் 2019ஆம் ஆண்டு அதிபர் தேர்தல் நடைபெற்றது. அப்போது போட்டியிட்ட கோத்தபய ராஜபக்சே பெரும்பான்மையுடன் ஆட்சியமைத்தார். ஆனால் வரலாறு காணாத பொருளாதார நெருக்கடியை அந்த நாடு சந்தித்தது. இதனால் மக்கள் அரசுக்கு எதிராக தீவிர போராட்டத்தில் ஈடுபட்டனர்.

அதிபர் மாளிகையை சூறையாடினர். இதன் காரணமாக அதிபர் பதவியை ராஜினாமா செய்த கேத்தபய ராஜபக்சே நாட்டைவிட்டு வெளியேறினார்

இதுக்காகவே ஓணம் பம்பர் லாட்டரிய நம்பி வாங்கலாம்.. விற்கப்படாத டிக்கெட் வென்றால் என்ன நடக்கும்? கேரள லாட்டரியின் அசத்தல் முறை!

அதைத் தொடர்ந்து 2022 ஜூலை 22ஆம் தேதி இலங்கையின் இடைக்கால அதிபராக ரணில் விக்ரமசிங்கே நாடாளுமன்றத்தால் தேர்ந்தெடுக்கப்பட்டார். அவரது பதவிக்காலம் இந்த மாதத்துடன் நிறைவு பெறுகிறது. எனவே இலங்கையின் புதிய அதிபரை தேர்வு செய்ய செப்டம்பர் 21 ஆம் தேதி தேர்தல் நடைபெறும் என அந்த நாட்டின் தேர்தல் ஆணையம் அறிவித்தது.
இலங்கையின் அடுத்த அதிபர் யார்? மக்கள் எழுதும் தீர்ப்பு – வாக்குப் பதிவு பணிகள் தீவிரம்!

அதன்படி இலங்கையில் 9ஆவது அதிபர் தேர்தல் இன்று (செப்டம்பர் 21) நடைபெறுகிறது. இந்த தேர்தலில் 38 வேட்பாளர்கள் களத்தில் உள்ளனர். இதில், தற்போதைய அதிபர் ரணில் விக்ரமசிங்க, எதிர்க்கட்சி தலைவர் சஜித்பிரேமதாச, தேசிய மக்கள் சக்திதலைவர் அநுர குமார திசாநாயக்க இடையே கடும் போட்டி நிலவுவதாக கூறுகின்றனர்.

மட்டக்களப்பு முன்னாள் எம்.பி. அரியநேந்திரன், தமிழ் பொது கூட்டமைப்பு என்ற பெயரில், சில தமிழ் அமைப்புகளின் சார்பில் தமிழர்களுக்கான பொது வேட்பாளராக நிறுத்தப்பட்டுள்ளார்.

மகிந்த ராஜபக்சவின் மகன் நமல்ராஜபக்ச, ஸ்ரீலங்கா பொதுஜன பெரமுன கட்சி சார்பில் போட்டியிடுகிறார்.
கச்சத்தீவை இந்தியாவுக்கு தர முடியாது! ரணில் விக்ரமசிங்கே திட்டவட்டம்
காலை 7 மணிக்கு தொடங்கி மாலை 5 மணி வரை மக்கள் வாக்குப்பதிவு நடைபெறும். இரவு 7 மணி முதல் வாக்கு எண்ணிக்கை தொடங்கும்.நாளை (செப்டம்பர் 22) பிற்பகலுக்குள் இலங்கையின் புதிய அதிபர் யார் என்று தெரிந்துவிடும் என்று கூறுகிறார்கள். அதிபர் தேர்தலை முன்னிட்டு நாடு முழுவதும் 61,000 போலீஸார், 9,000 சிவில் பாதுகாப்பு படையினர் தீவிர பாதுகாப்பு பணியில் ஈடுபட்டுள்ளனர்.

ஆசிரியர் பற்றிமரிய தங்கராஜ்காட்சி தொடர்பியல் துறை பட்டதாரி. சினிமா, அரசியல் சார்ந்து எழுதுவதில் பெரும் விருப்பம் கொண்டவர். டிஜிட்டல் ஊடகத்தில் ஆறு ஆண்டுகள் அனுபவம். தமிழ் சமயம் ஊடகத்தில் சீனியர் டிஜிட்டல் கண்டட் புரொடியூசராக அரசியல் சாந்த செய்திகள், கட்டுரைகளை கடந்த மூன்றாண்டுகளாக எழுதி வருகிறார்…. மேலும் படிக்க