கச்சத்தீவை இந்தியாவுக்கு தர முடியாது! ரணில் விக்ரமசிங்கே திட்டவட்டம்Authored byபவித்ரன் | Samayam Tamil | Updated: 20 Sept 2024, 11:46 am
இந்தியாவுக்கு கச்சத்தீவை கொடுக்க முடியாது என இலங்கை அதிபரும், வேட்பாளருமான ரணில் விக்ரமசிங்கே திட்டவட்டமாக தெரிவித்துள்ளார். Samayam Tamilranil wickremesingheஇந்தியாவின் அண்டை நாடான இலங்கையில் ரணில் விக்ரமசிங்கே தலைமையிலான ஆட்சி நடைபெற்று வருகிறது. தவறான பொருளாதார நடவடிக்கைகளால் நிதி நெருக்கடியில் இலங்கை கடந்த 2 ஆண்டு முன்பு சிக்கி தவித்தது. இதனால் வெடித்த வன்முறைக்கு பயந்து இலங்கையை ஆண்ட கோத்தபய ராஜபட்சே நாட்டைவிட்டு தப்பி சென்றார். இதையடுத்து ரணில் விக்ரமசிங்கே இடைக்கால அதிபரானார். இந்த நிலையில் இலங்கை அதிபரை தேர்வு செய்யும் தேர்தல் செப்டம்பர் 21 ஆம் தேதி நடைபெறும் என அறிவிக்கப்பட்டு இருந்தது.கச்சத்தீவை இந்தியாவுக்கு தர முடியாது! ரணில் விக்ரமசிங்கே திட்டவட்டம்
அதன்படி நாளை அதிபர் தேர்தல் நடைபெற உள்ளது. இந்த தேர்தலில் தற்போதைய அதிபர் ரணில் விக்ரமசிங்கே சுயேச்சையாக போட்டியிடுகிறார். இதேபோல் சமகி ஜன பலவாகயா என்ற கட்சி சார்பில் சஜித் பிரேமதாஸ் போட்டியிடுகிறார். மேலும் ஜனதா விமுக்தி பெரமுனா என்ற கட்சி வேட்பாளர் அனுர குமார திஸநாயக உள்ளிட்டோரும், முன்னாள் அதிபர், முன்னாள் பிரதமர் மகிந்த ராஜபக்சேவின் மகன் நமல் ராஜபக்சே ஆகியோரும் பிரபலமானவர்கள் ஆவார்கள். நாளை நடைபெற உள்ள தேர்தலில் யார் வெற்றி பெறவார்கள் என்பது வாக்கு எண்ணிக்கை அன்று உலகம் அறியும். தேர்தல் பிரச்சாரம் 2 நாட்களுக்கு முன்பு முடிந்துவிட்டது.இலங்கை வாழ் தமிழர்கள், இந்தியா இலங்கை இடையே உள்ள பிரச்சினைகள் போன்றவையும் இலங்கை அரசியலில் பல்வேறு திருப்பு முனைகளை ஏற்படுத்த உள்ளன. இருநாடுகள் இடையேயான மொழி மற்றும் இனம் தொடர்பான மோதல்களை விவரிக்க முடியாத வகையில் வரும் தேர்தலில் தாக்கத்தை ஏற்படுத்தும் என தெரிகிறது. இந்த நிலையில் ரணில் விக்ரமசிங்கே, கச்சத்தீவு விவகாரம் குறித்து பேசி உள்ளார். தற்போது அவரது பேச்சுக்கள் வைரலாக பரவி வருகிறது.
இதுதொடர்பாக ரணில் விக்ரமசிங்கே கூறுகையில், சீனாவுடன் நல்லுறவு உள்ளது. தொடர்ந்து நல்ல உறவை பேனுவேன். இந்தியாவின் பாதுகாப்பு நலன்களுக்கு எந்த விதமான பாதிப்பும் ஏற்படாது என்பதை உறுதி செய்வேன். சீனாவுடன் உறவு இருந்தாலும், அது எங்கள் நிபந்தனைகளின் அடிப்படையில் தான் இருக்கும். குறிப்பாக இந்தியாவின் நலன்களுக்கு உட்பட்டதாக அது இருக்கும். இந்தியா 20 மைல் கல் தொலைவில் தான் உள்ளது.
கச்சத்தீவை இந்தியாவுக்கு தர முடியாது! ரணில் விக்ரமசிங்கே திட்டவட்டம்
தேர்தலில் போட்டியிடும் எதிர்கட்சிகள் இந்தியாவுக்கு எதிரான கடுமையான விமர்சனங்களை முன்வைக்கின்றனர். ஒருவேளை அவர்கள் வெற்றி பெற்றால் இந்தியாவுக்கு சவாலாக இருக்கும். கச்சத்தீவை இந்தியாவுக்கு தர முடியாது. அதை கொடுத்தால் எங்களுக்கு பாதிப்பு ஏற்படும். எனவே இந்தியாவுக்கு கச்சத்தீவை மட்டும் கொடுக்க முடியாது” என்று கூறினார்.
கச்சத்தீவு இந்தியாவுக்கும் இலங்கைக்கும் இடையே பாக் நீரிணை பகுதியில் அமைந்திருக்கிறது. இலங்கையின் நெடுந்தீவிலிருந்து தென்மேற்கு நோக்கி 10.5 மைல் தொலைவிலும், ராமேஸ்வரத்தில் இருந்து 12 மைல் தொலைவிலும் இந்தத் தீவு அமைந்து உள்ளது. இந்தியாவுக்கும், இலங்கைக்கும் இடையே பல ஆண்டுகளுக்கும் மேலாக பிரச்சினையாக இருப்பது கச்சத்தீவு விவகாரம் தான். இந்த விகாரத்தில் பல்வேறு அரசியல் தலைவர்கள் தங்கள் நிலைபாட்டை கூறி வந்தாலும், கச்சத்தீவை மீட்க எந்த அரசும் முழு முயற்சி எடுத்து வரவில்லை. இந்த நிலையில் ரணில் விக்ரமசிங்கே, கச்சத்தீவு பற்றி பேசியது பரபரப்பை ஏற்படுத்தி உள்ளது. ஆசிரியர் பற்றிபவித்ரன் நான் பவித்ரன் தேவேந்திரன். ஊடகத்துறையில் 5 ஆண்டுகளாக பணிபுரிந்து வருகிறேன். அரசியல், கிரைம் செய்திகள் எழுதிய அனுபவம் உள்ளது. இப்போது சமயம் தமிழில் மாநில, தேசிய, உலகச் செய்திகளை வழங்கி வருகிறேன்…. மேலும் படிக்க