Authored byபவித்ரன் | Samayam Tamil | Updated: 19 Sept 2024, 5:45 pm
இலங்கையின் அடுத்த அதிபரை தேர்வு செய்யும் தேர்தல் நாளை மறுநாள் நடைபெற உள்ளது. இந்த தேர்தலில் எந்த வேட்பாளர் ஆட்சியை பிடிப்பார் என்பதை பொருத்திருந்து தான் பார்க்க வேண்டும்.Samayam Tamilsrilanka electionஇந்தியாவின் அண்டை நாடுகளில் ஒன்று இலங்கை. அருகில் இருப்பதால் மட்டுமின்றி, அங்குள்ள தமிழர்களால் இன்னும் நெருக்கம் அதிகமாக காணப்படும். இருநாடுகள் இடையேயான மொழி மற்றும் இனம் தொடர்பான மோதல்களை விவரிக்க முடியாத வகையில் உள்ளன. கடந்த 2 ஆண்டுகள் முன்பு இலங்கை தவறான பொருளாதார நடவடிக்கைகளால் நிதி நெருக்கடியில் சிக்கி தவித்தது. இதனால் வெடித்த வன்முறைக்கு பயந்து இலங்கையை ஆண்ட கோத்தபய ராஜபட்சே நாட்டைவிட்டு தப்பி சென்றார். பொருளாதார நெருக்கடிக்கு பின்னர் இலங்கையின் அதிபரை தேர்வு செய்யும் தேர்தல் நடைபெற நாளை மறுநாள் (சனிக்கிழமை) உள்ளது. இந்த தேர்தலுக்கான பிரச்சாரம் நேற்று தான் முடிந்தது. இந்த தேர்தலில் மொத்தம் 39 வேட்பாளர்கள் களம் இறங்கி உள்ளனர். இதில் ஒருவரை அண்மையில் திடீரென உயிரிழந்தார். இதனால் அவரை தவிற மொத்தம் 38 வேட்பாளர்கள் களம் கண்டுள்ளனா். இலங்கையில் இதுவரை நடைபெற்ற அதிபர் தேர்தல்களில் ஒரே சமயத்தில் 38 வேட்பாளர்கள் களம் இறங்கி உள்ளது இது தான் முறையாம் என சொல்லப்படுகிறது.
அடுத்த இலங்கை அதிபர் யார்? 38 வேட்பாளர்கள் களமிறங்கிய முதல் தேர்தல்!
என்ன தான் 38 பேர் போட்டியிட்டாலும், இதில் 4 பேர் மட்டுமே நன்கு தெரிந்தவர்கள் ஆவார்கள். அந்த வகையில் தற்போதைய இலங்கை அதிபராக இருக்கும் ரணில் விக்ரமசிங்கே, சுயேச்சையாக போட்டியிடுகிறார். அவர் இலங்கையை பொருளாதார நெருக்கடியில் இருந்து திறம்பட மீட்டு கொண்டு வந்ததை எடுத்து கூறி வாக்குசேகரிப்பில் ஈடுபட்டு வருகிறார்.இதேபோல் மற்றொரு பிரபல போட்டியாளராக கருதப்படுபவர் சஜித் பிரேமதாஸ். இவர் சமகி ஜன பலவாகயா என்ற கட்சி சார்பில் போட்டியிடுகிாறா். கடந்த முறை அதிபர் தேர்தலில் சுமார் 412 சதவீதம் வாக்குகளை பெற்று இருந்தார். மேலும் கோத்தபய ராஜபக்சேவிற்கு கடுமையான சவாலாக கருதப்பட்டார். இம்முறை தமிழர்கள் மற்றும் இஸ்லாமியர்களின் வாக்குகளை பெருவார் என சொல்ல முடியாது. காரணம் இந்த முறை ரணில் விக்ரமசிங்கே வாக்குகளை பிரிப்பார் என எதிர்பார்க்கப்படுகிறது.
இதேபோல் ஜனதா விமுக்தி பெரமுனா என்ற கட்சி வேட்பாளர் அனுர குமார திஸநாயக என்பவர், மூத்த இலங்கை வாசியான குணரத்ன டி சில்வா என்பவர் கூற்று மட்டுமின்றி பல்வேறு கருத்துக்கணிப்புகளில் முந்தி இருக்கிறார். 4 வதாக இருப்பவர் முன்னாள் அதிபர், முன்னாள் பிரதமர் மகிந்த ராஜபக்சேவின் மகன் நமல் ராஜபக்சே ஆவார்.
அடுத்த இலங்கை அதிபர் யார்? 38 வேட்பாளர்கள் களமிறங்கிய முதல் தேர்தல்!
இவர் இலங்கை பொதுஜனா பெரமுனா என்ற கட்சி சார்பில் போட்டியிடுகிறார். இவர் அடுத்து நடைபெற உள்ள நாடாளுமன்ற தேர்தலை குறிவைத்து அரசியலை தீவிரப்படுத்தி உள்ளதாக தகவல்கள் வெளியாகி உள்ளன. இலங்கை அதிபர் தேர்தல் என்றாலும் கூட பல தமிழ் கட்சிகளின் சார்பில் அரிய நேத்திரன் என்ற தமிழர் களம் இறங்கி உள்ளது குறிப்பிடத்தக்கது. இப்படி பல்முனை போட்டி நிலவி வரும் நிலையில் நாளை மறுநாள் அதிபர் தேர்தல் விறுவிறுப்பாக நடைபெற உள்ளது. அதனை தொடர்ந்து வாக்கு எண்ணிக்கை அன்று இலங்கையை ஆழப்போகும் அதிபர் யார் என்பது தெரியவரும் என கூறப்படுகிறது.
ஆசிரியர் பற்றிபவித்ரன் நான் பவித்ரன் தேவேந்திரன். ஊடகத்துறையில் 5 ஆண்டுகளாக பணிபுரிந்து வருகிறேன். அரசியல், கிரைம் செய்திகள் எழுதிய அனுபவம் உள்ளது. இப்போது சமயம் தமிழில் மாநில, தேசிய, உலகச் செய்திகளை வழங்கி வருகிறேன்…. மேலும் படிக்க