காணாமல் போன ஈழத் தமிழர்கள் பற்றி விசாரிக்க தனி ஆணையம்.. ரணில் விக்ரமசிங்கே வாக்குறுதி.. அனல் பறக்கும் இலங்கை தேர்தல் களம்!Authored byபஹன்யா ராமமூர்த்தி | Samayam Tamil | Updated: 15 Sept 2024, 4:45 pm

போரின் போது மாயமான தமிழர்கள் பற்றி விசாரிக்க தனி ஆணையம் அமைக்கப்படும் என இலங்கை அதிபர் ரணில் விக்ரமசிங்கே உறுதி அளித்துள்ளார். Samayam Tamilஅண்டை நாடான இலங்கையில், அதிபர் தேர்தல் வரும் 21 ஆம் தேதி நடைபெற உள்ளது. இலங்கையில் கடந்த 2021 ஆம் ஆண்டு ஏற்பட்ட கடுமையான பொருளாதார நெருக்கடிக்குபின் நடைபெற உள்ள முதல் அதிபர் தேர்தல் இதுவாகும். இந்தத் தேர்தலில் தற்போது அதிபராக உள்ள ரணில் விக்கிரமசிங்கே மீண்டும் போட்டியிடுகிறார்.இதேபோல், முன்னாள் அதிபர் மஹிந்த ராஜபக்சேவின் மகன் நமல் ராஜபக்சே, நீதித்துறை அமைச்சராக உள்ள விஜயதாச ராஜபக்சே, எதிர்க்கட்சித் தலைவர் சஜித் பிரேமதாசா, மார்க்சிஸ்ட் ஜே.வி.பி., தலைவர் அனுரா குமரா திசநாயகே, முன்னாள் ராணுவ தளபதி சரத் பொன்சேகா உள்ளிட்டோரும் போட்டியிடுகின்றனர்.

திருமாவளவன் ஆட்சியில் பங்கு கேட்பதால் நடுக்கத்தில் உள்ளது திமுக… போட்டுத்தாக்கிய ஜெயக்குமார்!
இலங்கை அதிபர் தேர்தலில் முன் எப்போதும் இல்லாத அளவாக இம்முறை 39 வேட்பாளர்கள் போட்டியிடுகின்றனர். இந்த அதிபர் ரேஸில் ஒரு பெண் வேட்பாளர் கூட போட்டியிடவில்லை. இலங்கை அதிபர் தேர்தலை இந்தியா, சீனா, அமெரிக்கா உள்ளிட்ட நாடுகள் உன்னிப்பாக கவனித்து மறைமுகமாக வேலைப்பார்த்து வருவதாகவும் தகவல்கள் வெளியாகி வருகின்றன.

கடந்த 4 ஆம் தேதி முதல், தபால் ஓட்டுக்களை பதிவு செய்யப்பட்டு வருகிறது. அதன்படி கடந்த 4ஆம் தேதி காவல் துறை உள்ளிட்ட சீருடைப் பணியாளர்கள் வாக்களித்தனர். 5 மற்றும் 6 ஆம் தேதிகளில் முப்படைகளிலும் உள்ள பணியாளர்கள், மற்றும் அரசு ஊழியர்கள் தங்கள் வாக்குகளை பதிவு செய்தனர்.

வரலாற்றில் முதல் முறையாக விண்வெளி சுற்றுலா.. வெற்றிகரமாக நிறைவு.. ஸ்பேஸ் வாக் முடித்து பூமிக்கு திரும்பியது 4 பேர் குழு!
இந்த தேதிகளில் வாக்களிக்க முடியாதவர்களுக்கு செப்டம்பர் 11, 12 ஆகிய தேதிகள் கூடுதலாக ஒதுக்கப்பட்டன. 21 ஆம் தேதி வாக்குப்பதிவு நடைபெற உள்ள நிலையில் வேட்பாளர்கள் தீவிர பிரச்சாரத்தில் ஈடுபட்டு வருகின்றனர். அந்த வகையில் தற்போதைய ரணில் விக்ரமசிங்கே வாக்குறுதிகளை அள்ளி வீசி வருகிறார்.

காணாமல் போன ஈழத் தமிழர்கள் பற்றி விசாரிக்க தனி ஆணையம்.. ரணில் விக்ரமசிங்கே வாக்குறுதி.. அனல் பறக்கும் இலங்கை தேர்தல் களம்!

யாழ்பாணத்தில் நடைபெற்ற தேர்தல் பிரச்சார பொதுக்கூட்டத்தில் பேசிய இலங்கை அதிபர் ரணில் விக்ரமசிங்கே, அதிபர் தேர்தலில் தாம் மீண்டும் தேர்ந்தெடுக்கப்பட்டால், காணாமல் போனோர் விவகாரம் தொடர்பாக ஐந்து ஆண்டுகளுக்குள் தனது அரசாங்கம் ஆணைக்குழுவை அமைக்கும் என உறுதி அளித்துள்ளார்.தென்மேற்கு பருவமழை அக்.20 வரை நீடிக்கும்.. வங்கக்கடலில் புயல், காற்றழுத்த தாழ்வுப்பகுதிகள் உருவாகும்.. வெதர்மேன் வார்னிங்!
ஒரு மதிப்பீட்டின்படி, இலங்கையில் உள்நாட்டு போர் நிறைவடைந்த பிறகு சுமார் 20, 000 பேர் காணாமல் போயுள்ளதாக கூறப்படுகிறது. இந்நிலையில் தமது அரசாங்கம் மீண்டும் ஆட்சிக்கு வந்தால், உண்மை மற்றும் நல்லிணக்க ஆணைக்குழுவை (TRC) அமைக்கும் என்றும், அது காணாமல் போனோர் தொடர்பான பிரச்சினைக்கு அடுத்த 5 வருடங்களுக்குள் தீர்வு காணும் என்றும் ரணில் விக்ரமசிங்கே வாக்குறுதி அளித்துள்ளார்.

ஆசிரியர் பற்றிபஹன்யா ராமமூர்த்திசெய்தி சேனல், எஃப் எம் (RJ) மற்றும் டிஜிட்டல் ஊடத்துறையில் 13 ஆண்டுகள் அனுபவம். இதழியலில் முதுகலைப்பட்டம் பெற்றுள்ளேன். பொது செய்திகள், அரசியல், க்ரைம், விளையாட்டு சினிமா மற்றும் உலக நடப்பு செய்திகளில் அனுபவம்.. தற்போது சமயம் தமிழில் சினிமா செய்திகளை அளித்து வருகிறேன்…. மேலும் படிக்க