Authored byபஹன்யா ராமமூர்த்தி | Samayam Tamil | Updated: 30 Jun 2024, 11:29 am

இலங்கை அரசு மேலும் 3 நாடுகளுக்கு விசா இல்லாத நுழைவுக்கு அனுமதி வழங்கியுள்ளது. சுற்றுலாத்துறையை மேலும் மேம்படுத்தும் வகையில் இலங்கை அரசு அதிரடியில் இறங்கியுள்ளது. Samayam Tamilஇலங்கையின் முக்கிய வருவாய்த்துறையாக அந்நாட்டின் சுற்றுலாத்துறை உள்ளது. ஈஸ்டர் குண்டு வெடிப்பு மற்றும் கொரோனா பெருந்தொற்று போன்ற சம்பவங்களால் இலங்கைக்கு வரும் சுற்றுலாப் பயணிகளின் எண்ணிக்கை கணிசமாக குறைந்தது. இதனால் அந்நாட்டின் பொருளாதாரம் கடுமையாக பாதிக்கப்பட்டது. கடும் பொருளாதார நெருக்கடியில் இருந்த இலங்கை ரணில் விக்ரமசிங்கே அதிபராக பதவியேற்றதில் இருந்து மெல்ல மீளத் தொடங்கியது. நாட்டின் முக்கிய வருவாய்த்துறையான சுற்றுலாத்துறையை மேம்படுத்த அரசு பல்வேறு நடவடிக்கைகளை மேற் கொண்டு வருகிறது.

திருப்பதி பக்தர்களிடம் இனி இடைத்தரகர்கள் வேலைய காட்ட முடியாது.. தேவஸ்தானம் அதிரடி முடிவு!

குறிப்பாக தங்கள் நாட்டிற்கு வரும் சுற்றுலாப் பயணிகளின் எண்ணிக்கையை அதிகரிக்கும் வகையில் இந்தியா உட்பட பல்வேறு நாடுகளுக்கு விசா இல்லா நுழைவுக்கு அனுமதி வழங்கியுள்ளது. அதன்படி இந்தியா, சீனா, ரஷ்யா, மலேசியா, ஜப்பான், இந்தோனேஷியா மற்றும் தாய்லாந்து ஆகிய நாடுகளில் இருந்து வரும் பயணிகளுக்கு உடனடி இலவச சுற்றுலா விசா வழங்கும் முறையை கடந்த ஆண்டு இலங்கை அறிவித்தது.

இதனை தொடர்ந்து மேலும் 67 நாடுகளைச் சேர்ந்த சுற்றுலாப் பயணிகளுக்கு இலவச விசா வழங்க நடவடிக்கை எடுக்கப்படும் அந்நாட்டு சுற்றுலா அமைச்சர் ஹரின் பெர்னாண்டோ கடந்த வாரம் அறிவித்தார். வருடத்திற்குள் 2.3 மில்லியன் சுற்றுலாப் பயணிகளின் வருகை என்ற நாட்டின் லட்சிய இலக்கை அடைவதற்காக இந்தத் திட்டத்தை மேற்கொள்ள உள்ளதாகவும் தெரிவித்தார்.

திருப்பதி விஐபி தரிசனத்தில் முறைகேடு.. சிக்கும் ரோஜா.. தோண்டி எடுக்கும் சந்திரபாபு நாயுடு அரசு!

இந்நிலையில் மாலத்தீவுகள், சீஷெல்ஸ் மற்றும் சிங்கப்பூர் ஆகிய மூன்று நாடுகளைச் சேர்ந்த குடிமக்கள் விசா இல்லாமல் இலங்கைக்குள் நுழைய அனுமதி வழங்கியுள்ளது. மற்ற நாடுகளுக்கு, மின்னணு பயண அங்கீகாரம் (ETA) தேவை, அதை ஆன்லைனில் எளிதாக பெற்றுக்கொள்ளலாம்.

சுற்றுலாத்துறையில் சலுகைகளை வாரி வழங்கும் இலங்கை.. மேலும் 3 நாடுகளுக்கு விசா இல்லா நுழைவுக்கு அனுமதி!

தற்போது மாலத்தீவுகள், சீஷெல்ஸ், சிங்கப்பூர் ஆகிய நாடுகளுக்கு வழங்கப்பட்டுள்ள இந்த சிறப்பு சலுகையால் இந்த நாடுகளில் இருந்து இலங்கைக்கு வரும் சுற்றுலாப் பயணிகளின் எண்ணிக்கை மேலும் அதிகரிக்கும் என எதிர்பார்க்கப்படுகிறது.

ஆசிரியர் பற்றிபஹன்யா ராமமூர்த்திசெய்தி சேனல், எஃப் எம் (RJ) மற்றும் டிஜிட்டல் ஊடத்துறையில் 13 ஆண்டுகள் அனுபவம். இதழியலில் முதுகலைப்பட்டம் பெற்றுள்ளேன். பொது செய்திகள், அரசியல், க்ரைம், விளையாட்டு சினிமா மற்றும் உலக நடப்பு செய்திகளில் அனுபவம்.. தற்போது சமயம் தமிழில் சினிமா செய்திகளை அளித்து வருகிறேன்…. மேலும் படிக்க