Authored byபஹன்யா ராமமூர்த்தி | Samayam Tamil | Updated: 30 Jun 2024, 12:05 pm

ஆந்திராவில் 4000 ரூபாய் ஓய்வூதியம் வழங்கும் திட்டத்தை முதல்வர் சந்திரபாபு நாயுடு நாளை தொடங்கி வைக்கிறார். இதன்மூலம் 65,18,496 பயனாளிகள் பயன் பெறவுள்ளனர். Samayam Tamilஆந்திர மாநில சட்டப்பேரவைக்கு மக்களவைத் தேர்தலோடு சேர்த்து வாக்குப்பதிவு நடைபெற்றது. இதில் தெலுங்கு தேசம், ஜனசேனா மற்றும் பாஜக தலைமையிலான கூட்டணி அமோக வெற்றி பெற்றது. இதையடுத்து தெலுங்கு தேசம் கட்சியின் தலைவர் சந்திரபாபு நாயுடு ஆந்திர முதல்வராக பதவியேற்றார். ஜனசேனா கட்சியின் தலைவர் பவன் கல்யாண் துணை முதல்வர் ஆகியுள்ளார். முதல்வராக பொறுப்பேற்றதுமே முதல்வர் சந்திரபாபு நாயுடு, ஆசிரியர் பணியிடங்களை நிரப்புவதற்கான மெகா டிஎஸ்சி தொடர்பான கோப்பில் முதல்வர் சந்திரபாபு நாயுடு முதல் கையெழுத்திட்டார்.

சுற்றுலாத்துறையில் சலுகைகளை வாரி வழங்கும் இலங்கை.. மேலும் 3 நாடுகளுக்கு விசா இல்லா நுழைவுக்கு அனுமதி!

மேலும் நில உரிமைச் சட்டத்தை ரத்து செய்யும் கோப்பு, ஓய்வூதியத்தை ரூ.4,000 ஆக உயர்த்துவது, அண்ணா உணவகங்கள் புத்துயிர் அளிப்பது, இளைஞர்களுக்கான திறன் கணக்கெடுப்பு நடத்துவது தொடர்பான கோப்புகளிலும் கையெழுத்திட்டார். இந்நிலையில் ஜூலை 1ம் தேதியான நாளை காலை 6 மணிக்கு மங்களகிரி சட்டசபை தொகுதியில் உள்ள பென்னுமகாவில் ஓய்வூதியம் வழங்கும் திட்டத்தை முதல்வர் சந்திரபாபு நாயுடு தொடங்கி வைக்கிறார்.

65,18,496 பயனாளிகளுக்கு ரூ.4,408 கோடி மதிப்பிலான ஓய்வூதியம் வழங்க ஏற்பாடு செய்யப்பட்டுள்ளது. மாநிலத்தின் பல்வேறு பகுதிகளில் நடைபெறும் நிகழ்ச்சியில், முதல்வர், எம்.பி., எம்.எல்.ஏ.,க்கள் பங்கேற்று தொடங்கி வைக்கின்றனர். இதுதொடர்பாக ஓய்வூதியதாரர்களுக்கு சந்திரபாபு நாயுடு கடிதம் எழுதியுள்ளார்.

திருப்பதி பக்தர்களிடம் இனி இடைத்தரகர்கள் வேலைய காட்ட முடியாது.. தேவஸ்தானம் அதிரடி முடிவு!

அதில் TDP தலைமையிலான NDA அரசாங்கம், கடுமையான நிதி நெருக்கடிகளை எதிர்கொண்ட போதிலும், அதன் தேர்தல் அறிக்கையில் வாக்குறுதியளித்தபடி, 1,000 ரூபாய் ஓய்வூதியத்தை உயர்த்தியுள்ளது என தெரிவித்துள்ளார். உங்கள் அனைவரின் ஆதரவுடன், உங்கள் எல்லா விருப்பங்களையும் நிறைவேற்றுவதற்காக மாநிலத்தில் மக்கள் அரசாங்கம் அமைக்கப்பட்டுள்ளது என்றும், உறுதியளித்தபடி, ஓய்வூதியத் தொகை ரூ.1,000 உயர்த்தப்பட்டுள்ளது என்றும் குறிப்பிட்டுள்ளார்.

திருப்பதி விஐபி தரிசனத்தில் முறைகேடு.. சிக்கும் ரோஜா.. தோண்டி எடுக்கும் சந்திரபாபு நாயுடு அரசு!

மாதம்தோறும் ரூ. 4000.. கில்லி போல் சொல்லியடிக்கும் சந்திரபாபு நாயுடு.. நாளை காத்திருக்கும் சர்ப்ரைஸ்!

இனி, ஒவ்வொரு மாதமும் உங்கள் வீட்டு வாசலில் 4,000 ரூபாய் ஓய்வூதியமாக வழங்கப்படும் என்றும் சந்திரபாபு நாயுடு தெரிவித்துள்ளார். மாற்றுத்திறனாளிகளுக்கான ஓய்வூதியமும் 3,000 ரூபாயில் இருந்து 6,000 ரூபாயாக உயர்த்தப்பட்டுள்ளது என்பதை மகிழ்ச்சியுடன் தெரிவித்துக் கொள்கிறேன் என்றும் சந்திரபாபு நாயுடு தனது கடிதத்தில் குறிப்பிட்டுள்ளார். ஆசிரியர் பற்றிபஹன்யா ராமமூர்த்திசெய்தி சேனல், எஃப் எம் (RJ) மற்றும் டிஜிட்டல் ஊடத்துறையில் 13 ஆண்டுகள் அனுபவம். இதழியலில் முதுகலைப்பட்டம் பெற்றுள்ளேன். பொது செய்திகள், அரசியல், க்ரைம், விளையாட்டு சினிமா மற்றும் உலக நடப்பு செய்திகளில் அனுபவம்.. தற்போது சமயம் தமிழில் சினிமா செய்திகளை அளித்து வருகிறேன்…. மேலும் படிக்க