Authored byமகேஷ் பாபு | Samayam Tamil | Updated: 9 May 2024, 3:36 pm
தேர்தல் தொடர்பாக அந்நாட்டு தேர்தல் ஆணையம் முக்கிய அறிவிப்பை வெளியிட்டுள்ளது. அதன்படி, செப்டம்பரில் தொடங்கி அக்டோபர் வரை நடைபெறும் என்று அறிவிக்கப்பட்டுள்ளது. இந்தியா, சீனா என இரண்டு நாடுகளின் அரசியலுடன் தொடர்புடைய இலங்கை அதிபர் தேர்தல் மிகவும் முக்கியத்துவம் பெற்றுள்ளது.Samayam Tamilஇந்தியாவின் அண்டை நாடாக காணப்படும் இலங்கையில் வரும் செப்டம்பர் மாதம் அதிபர் தேர்தல் நடைபெறுகிறது. இதுதொடர்பான தேதிக்காக அந்நாட்டு மக்கள் ஆர்வத்துடன் காத்திருந்தனர். இந்நிலையில் இலங்கை தேர்தல் ஆணையம் சற்றுமுன் முக்கிய அறிவிப்பை வெளியிட்டுள்ளது. அதில், செப்டம்பர் 17 முதல் அக்டோபர் 16 வரை ஒருமாத காலத்திற்கு அதிபர் தேர்தல் நடைபெறும் என்று அறிவிக்கப்பட்டுள்ளது.
இலங்கை அதிபர் தேர்தல் 2024 எப்போது? அதிகாரப்பூர்வ தேதியை அறிவித்த தேர்தல் ஆணையம்!
இலங்கை பொருளாதார வீழ்ச்சிஇலங்கை கடந்த 2022ஆம் ஆண்டு கடும் பொருளாதார வீழ்ச்சியை சந்தித்தது. நாட்டின் நிதி நிலைமை மிக மோசமான நிலைக்கு சென்று விலைவாசி தாறுமாறாக உயர்ந்தது. மக்களின் வாங்கும் சக்தி குறைந்தது. ஏராளமான கடனில் தவிக்கும் நிலை ஏற்பட்டது. பின்னர் உலக நாடுகளின் உதவியுடன் படிப்படியாக மீண்டும் வருகிறது.
இலங்கை தோட்ட தொழிலாளர்களின் சம்பளம் உயர்வு.. ரணில் விக்ரமசிங்க சூப்பர் அறிவிப்பு!
மத்திய வங்கி ஆளுநர் எச்சரிக்கை
தற்போதைய பொருளாதார செயல் திட்டங்கள் மற்றும் மறுசீரமைப்பு நடவடிக்கைகளில் புதிய அரசுகள் ஏதேனும் மாற்றங்கள் கொண்டு வந்தால் மீண்டும் பழையபடி கடும் பொருளாதார நெருக்கடிக்கு ஆளாவோம் என்று இலங்கை மத்திய வங்கி ஆளுநர் நந்தலால் வீரசிங்கே எச்சரித்துள்ளார். இத்தகைய சூழலில் அதிபர் தேர்தல் என்பது பெரிதும் முக்கியத்துவம் பெற்றுள்ளது. புதிய அதிபரை பொறுத்து தான் ஆட்சி முறைகளும், பொருளாதார திட்டங்கள், வெளியுறவுக் கொள்கை உள்ளிட்டவை அமையும்.
அதிபர் தேர்தல்
எனவே அண்டை நாடுகளான இந்தியா, சீனா உள்ளிட்டவையும் இலங்கை அதிபர் தேர்தலை உன்னிப்பாக கவனித்து வருகிறது. இலங்கையில் அதிபர் பதவி காலம் என்பது 5 ஆண்டுகள் ஆகும். தற்போது ரணில் விக்ரமசிங்கே அதிபராக பதவி வகித்து வருகிறார். இவர் ஐக்கிய தேசிய கட்சியை சேர்ந்தவர். கடைசியாக 2019ஆம் ஆண்டு நடந்த அதிபர் தேர்தலில் ஸ்ரீ லங்கா பொதுஜன பெரமுன கட்சியின் கோத்தபய ராஜபக்சே வெற்றி பெற்று அதிபரானார்.
இந்தியா எங்களுக்காக ஒத்துழைக்கணும்.. அதைத்தான் நாங்க விரும்புறோம்.. இலங்கை அதிபர் விக்ரமசிங்கே பேச்சு! என்ன விஷயம் தெரியுமா ??
ராஜ்பக்சே ராஜினாமா
ஆனால் தவறான பொருளாதார கொள்கைகளால் நாட்டு மக்கள் பெரிதும் அவதிக்கு ஆளாகினர். இதனால் நாடு முழுவதும் போராட்டங்கள் வெடித்தன. அதிபர் ராஜினாமா செய்ய வேண்டும் என்று கோரிக்கை வைத்தனர். போராட்டம் விஸ்வரூபம் எடுக்கவே ஜூலை 14, 2022ல் கோத்தபய ராஜபக்சே தனது பதவியை ராஜினாமா செய்தார். அதன்பிறகு பல்வேறு குழப்பங்களை அடுத்து ரணில் விக்ரமசிங்கே அதிபரானார்.
அதிபர் பதவிக்கான ரேஸ்
இந்நிலையில் 5 ஆண்டுகால அதிபர் பதவிக் காலம் அடுத்த சில மாதங்களில் நிறைவு பெறவுள்ளது. இதையொட்டி தேர்தலுக்கு ஏற்பாடுகள் செய்யப்பட்டுள்ளன. இந்த தேர்தலில் 5 பேர் நிற்கின்றனர். அவர்கள் ஐக்கிய தேசிய கட்சியின் தலைவர் ரணில் விக்ரமசிங்கே, சமகி ஜன பாலவேகயா கட்சியின் தலைவர் சஜித் பிரேமதசா, இலங்கை சுதந்திர கட்சியின் விஜேயதாச ராஜபக்சே, தேசிய மக்கள் சக்தி கட்சியின் அனுரா குமார திசனாயகே, சுயேட்சையாக ஜனகா ரத்னயகே ஆகியோர் ஆவர்.ஆசிரியர் பற்றிமகேஷ் பாபுசெய்தி தொலைக்காட்சி, டிஜிட்டல் ஊடகம் என 8 ஆண்டுகள் அனுபவம். எளிய மக்களின் குரலாகவும், சமூக அவலங்களை சுட்டிக் காட்டும் வகையிலும் எழுதப் பிடிக்கும். அரசியல் செய்திகளை வழங்குவதில் தீராத ஆர்வம் உண்டு. சமயம் தமிழ் ஊடகத்தில் Senior Digital Content Producer ஆக பணியை தொடர்ந்து வருகிறேன்…. மேலும் படிக்க