கச்சத்தீவை இந்தியாவிடம் திரும்பக் கொடுத்தாலும் அவர்களின் பிரச்சனை தீராது.. இலங்கை அமைச்சர் டக்ளஸ் தேவானந்தா கருத்து..இந்தியாவிடம் இருந்த கச்சத்தீவு இலங்கைக்கு காங்கிரஸ் அரசுதான் கொடுத்தது என்கிற தகவல் சமீபத்தில் வெளியாகி இந்தியா முழுவதும் சர்ச்சையாகியது. தொடர்ந்து இலங்கை அமைச்சர்களும் அவர்களது கருத்துக்களை தெரிவித்து வந்தார்கள். இப்போது இலங்கை அமைச்சர் டக்ளஸ் தேவானந்தா அவரது கருத்தை சொல்லியிருக்கிறார்.Samayam Tamilகச்சத்தீவை இந்தியாவிடம் கொடுத்தாலும் மீனவர்களுக்கு பலனில்லை : இலங்கை அமைச்சர் டக்ளஸ் தேவாநந்தா பாரத நாட்டின் ஒரு பகுதியாக இருந்த கச்சத்தீவு கடந்த 1974 ல் முன்னாள் பிரதமர் இந்திரா காந்தி தலைமையிலான காங்கிரஸ் அரசு இலங்கையிடம் ஒப்பந்தம் போட்டு கொடுத்திருந்தது. சுமார் 50 வருடங்களுக்கு பிறகு இந்த கச்சத்தீவு குறித்த விஷயங்கள் வெளியாகியுள்ளது.தமிழக பாஜக தலைவரும் கோவை மக்களவைத் தொகுதி வேட்பாளருமான அண்ணாமலை தகவல் அறியும் உரிமைச் சட்டம் மூலமாக கச்சத்தீவை இலங்கையிடம் யார் எதற்க்கு ஒப்படைத்தார் என்கிற விஷயத்தை வெளியே கொண்டுவந்தார்.

திடீரென கிளம்பிய கச்சத்தீவு விவகாரம் – சத்தமில்லாமல் சீனா செய்த காரியம்: மோடி என்ன முடிவெடுக்கப் போறாரோ?
மேலும், அப்போது பிரதமராக இருந்த இந்திரா காந்திதான் கச்சத்தீவை இலங்கைக்கு தாரைவார்த்தது என குற்றம்சாட்டி வருகிறது பாஜக. மேலும், அப்போது, தமிழ்நாட்டில் முதல்வராக இருநக கருணாநிதியும் இதற்கு துணை நின்றதாக விமர்சிக்கப்படுகிறது. கச்சத்தீவு விவகாரம் இந்தியா மட்டுமில்லாது இலங்கையிலும் பரபரப்பை ஏற்படுத்தியது. இந்த விவகாரம் குறித்து இலங்கை அமைச்சர்களும் கருத்துக்களை தெரிவித்திருந்தார்கள்.

கச்சத்தீவு இந்தியாவிற்கு கிடைக்குமா ? இலங்கை அமைச்சர் டக்ளஸ் தேவானந்தம் பொளேர்!!

முன்னதாக, இலங்கை அமைச்சர் அமைச்சர் ஜீவன் தொண்டைமான், இலங்கை வெளியுறவுத் துறை அமைச்சர் அலி சப்ரி, இலங்கை அமைச்சரும் இலங்கை அமைச்சரும் ஈழ மக்கள் ஜனநாயக கட்சி தலைவருமான டக்ளஸ் தேவானந்தா ஆகியோர் கருத்து தெரிவித்து இருந்தார்கள்.கச்சத்தீவை இந்தியாவிடம் திரும்பக் கொடுத்தாலும் அவர்களின் பிரச்சனை தீராது.. இலங்கை அமைச்சர் டக்ளஸ் தேவானந்தா கருத்து..

தற்போது, மீண்டும் கச்சத்தீவு குறித்து பேசியிருக்கிறார் டக்ளஸ் தேவானந்தா. இது குறித்து பேசிய அவர், “சீனாவைவிட இந்தியாவின் உறவை நாங்கள் விரும்புகிறோம்.. அப்படியான நிலையில், கச்சதீவை இந்தியாவுக்கு திரும்ப வழங்கினாலும் இந்திய மீனவர்களின் எல்லை தாண்டிவரும் பிரச்சனை தீரப் போவதில்லை. ஒருவேளை கச்சதீவை இந்தியாவிடம் வழங்கிவிட்டால் இந்திய மீனவர்கள் அவர்களின் எல்லையில் இருந்து ஒரு கடல் மைல் எல்லைக்கு அப்பால் சென்று மீன் பிடிக்கமுடியாது. அதேபோல இலங்கை மீனவர்களும் ஒரு கடல் மைலுக்கு எல்லையைத் தாண்டி மீன் பிடிக்கமுடியாது.”

கச்சத்தீவு பற்றி இந்தியா இப்போது பேசவேண்டிய அவசியமே இல்லை.. இலங்கை அமைச்சர் அலி சப்ரி பளீச் !!

இந்திய மீனவர்கள் யாழ்குடா கடற்பரப்பு கரைக்கு வருகை தந்து மீன் பிடிக்கிறார்கள். அதைத் தடுப்பதற்கு இருநாட்டு தலைவர்களுடனும் ராஜதந்திர ரீதியான பேச்சுவார்த்தை வேண்டும். இலங்கை – இந்தியா உறவுக்கு அப்பால் தமிழ் மக்களுக்கும் தமிழ்நாட்டு மக்களுக்கும் இடையிலான தொப்புள் கொடி உறவு நம்பிக்கையானது. அதன் காரணமாகவே எல்லை தாண்டும் மீனவர் பிரச்சனையையும் பேசி தீர்ப்பதற்காக புதுச்சேரி மாநில முதல்வர் அழைப்பு விடுத்துள்ளார். அங்கு தேர்தல் இடம்பெற உள்ளதால் தற்போதைக்கு செல்வதற்கான திட்டம் இல்லை. விரைவில் தேர்தல் முடிவுகள் வந்து புதிய அரசாங்கம் அமைந்த பின்னர் இதகுறித்த பேச்சுவார்த்தை நடத்த திட்டமிடப்பட்டுள்ளது” என கடற் தொழில் அமைச்சர் டக்ளஸ் தேவானந்தா தெரிவித்துள்ளார்.

ஆசிரியர் பற்றிராதிகா நெடுஞ்செழியன் கன்சல்டன்ட்நான் ராதிகா நெடுஞ்செழியன், ஆங்கில இலக்கியத்தில் இளங்கலை பட்டமும் இதழியல் மற்றும் மக்கள் தொடர்பியல் துறையில் முதுகலை பட்டமும் பெற்றுள்ளேன். செய்தியை கொடுப்பவருக்கும் செய்தியை பெறுபவருக்கு இடையில் ஒரு பாலமாக இருக்கவேண்டும் என்ற எண்ணத்தில் இந்த படிப்பை தேர்ந்தெடுத்தேன். அதன்படி, முதுகலை பட்டம் படிக்கும்போதே மாணவ பத்திரிகையாளராக பணியாற்றியிருக்கிறேன். இப்போது முழு நேர ஊடகவியலாளராக வேலை செய்து வருகிறேன். எனது கெரியரில் முதல் வேலையாக தமிழ் சமயம் தளத்தில் அடியெடுத்தது வைத்திருக்கிறேன். இங்கு சினிமா, தொலைக்காட்சி சார்ந்த செய்திகளை கொடுத்துவருகிறேன். இதுபோக, அரசியல், வாழ்வியல் போன்ற பிரிவுகளிலும் ஆர்வம் அதிகம்…. மேலும் படிக்க